Ish-futbollisti i kombëtares, Ervin Fakaj në Supersport komentoi disfatën e Shqipërisë ndaj Izraelit në shtëpi me rezultatin 1-2. Fakaj theksoi se zëvendësimet e trajnerit Edy Reja nuk patën efekt ndërsa shtoi se në pjesën e dytë skuadra u shpërfytyrua.
Pjesën e dytë zhdukemi- “Edhe në pjesën e parë në fillim nuk e patëm të mirë, skuadra ishte e zgjatur dhe shumë e hapur në kundërshtim nga Izraeli që ishte më kompakte. Erdhëm duke e rritur lojën por kishim problem.
Ajo që më bën përshtypje në pjesën e dytë është mënyra si skuadra u shpërfytyrua, nuk e kuptova reagimin e trajnerit. Në momentin që pësoi skuadra nuk po luante mirë dhe duhet t’i japësh kohë skuadrës të reagojë para se t’i të reagosh. Ndërrimet ishin të nxituara dhe lojtarët që u futën në fushë nuk bën ndryshim.
Ne kemi cilësi që të përballemi denjësisht kundrejt çdo kundërshtari dhe pse jo të fitojmë. Por të kesh cilësi nuk do të thotë që ke skuadër, ne akoma nuk po formojmë dot skuadër se ndryshojmë pa fund. Kush e bën diferencën? Skuadra, dhe te Izraeli kishte “feeling” u shpreh Fakaj.
