Shpëtim Duro pret një mesfushor përpara mbrojtjes nga merkato, pozicion të cilin te Laçi e ka mbuluar Julian Shehu në vitet e fundit. Bardhezinjtë humbën edhe shërbimet e Klinti Qatos, i cili pësoi një dëmtim të rëndë në miqësoren me Gjilanin.
Skuadra kurbinase eliminoi malazezët e Iskras në raundin e parë të Conference League, ndërkohë që në turin e radhës do të sfidojnë Petrocub, ekipin nënkampion të Moldavisë. Ndërkohë, një futbollist ofensiv i ka dhënë fund aventurës me Laçin.
Iljasa Zulfiu ka zgjedhur të nisë një aventurë të re në karrierë. 24-vjeçari nga Lugina e Preshevës, u bë pjesë e klubit të Superiores në janarit e vitit të kaluar, teksa ishte Shpëtim Duro ai që insistoi në afrimin e tij.
Zulfiu, i cili mund të luajë si sulmues i dytë por edhe në krahët e repartit ofensiv, zhvilloi 40 ndeshje në total me Laçin duke gjetur dy herë rrugën e rrjetës në Superiore.
“Dua t’iu njoftoj që nga sot nuk do jem pjesë e Laçit. Falënderoj kryesinë e klubit, të gjithë stafin e trajnerëve që kam punuar deri tani; si Profesor Mirel Josa, Sero Noka, gjithashtu në veçanti Profesor Shpëtim Duron për besimin e dhënë.
Falënderoj dhe të gjithë bashkëlojtarët për këto dy vite që kaluam së bashku”, shkruan në faqen e tij zyrtare futbollisti shqiptar nga Miratovaci.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?