Tre ditë më parë për botën e futbollit erdhi një lajm i trishtë, duke qenë se ish-futbollisti Spartak Elmazi u nda nga jeta në moshën 34-vjeçare. Ky i fundit kishte lindur në Korçë dhe prej disa kohësh vuante një sëmundje të rëndë e që për fat te keq nuk ia doli ta mposhtte.
Në Shqipëri, Elmazi ishte aktivizuar me disa skuadra në Kategorinë e Parë si Kastrioti, Kamza, Tomori, Pogradeci dhe së fundmi Dinamo.
Ndërkaq, ditën e sotme në ndeshjen mes Pogradecit dhe Tomorit, beratasit kishin vendosur ta nderonin figurën e Elmazit teksa zbritën në fushë me një fanellë ku ishte stampuar portreti ish-futbollistit. Nga ana tjetër, Pogradeci nuk kishte përgatitur diçka speciale edhe pse Elmazi i ka përfaqësuar edhe liqenorët. Sakaq, sa i takon sfidës, Tomori fitoi me rezultatin 0-3.