Marco Fassone, admistratori i deleguar i Milanit, sqaron situatën te “Kuqezinjtë”, duke i dhënë besim të plotë trajnerit Montella, por pa anashkaluar faktin se skuadra nuk është aty ku duhet në klasifikimin e përgjithshëm të Serisë A.
“Askush nga ne nuk priste që s’do të kishim probleme me një skuadër thuasje të rinovuar plotësisht. Gjithsesi, duhet të kishim 5-6 më shumë në renditje. Nuk mund të lejojmë më shumë gabime. A rrezikon Montella? Trajneri ka besimin tonë të plotë dhe ne nuk mund të arsyetojmë mbi hipoteza. Duhet të punojmë të gjithë në të njëjtin drejtim për të gjetur një rrugëzgjidhje. Mungon thjeshtë një shkëndijë, ai gol që do të bënte ndryshimin e situatës.”
Më pas një reagim rreth deklaratave të Mirabellit, që vendosën nën presion trajnerin.
“Nuk është cështje presioni, Milani është ndërtuar për të marrë rezultate. Ato nuk po vijnë dhe ne kemi për detyrë të jemi transparentë me tifozët. Nuk ka përplasje mes tyre, jemi të gjithë nga e njëjta anë.”
Për objektivin Champions, që është konsideruar detyrim për Milanin, Fassone u shpreh:
“Kujdes me fjalën detyrim. Championsi është thelbësor në projektin tonë. Gjithsesi, nëse nuk e arrijmë, nuk do të thotë bllokim planesh.”
