Paris Saint Germain bleu Neymarin këtë verë nga Barcelona, në një transferim rekord në gjithë historinë e futbollit, por sulmuesi brazilian rrezikon të kthehet në një telash për klubin.
Krahas vlerës së lartë të kartonit dhe pagës së ‘çmendur’ mujore, braziliani ka marrë edhe një sërë favoresh në klub, që nuk i gëzon asnjë futbollist tjetër.
Kështu, të gjithë futbollistët e Pariosit udhëtojnë me valixhe uniform, të vendosura nga vetë klubi, ndërsa Neymar udhëton me valixhen ku reklamohet sponsori personal.
Një privilegj tjetër që e ka Neymar dhe asnjë tjetër, është që të ketë në dispozicion dy fizioterapistë personal, që merren vetëm me të. Në fakt, fizioterapist personal kishte edhe Ibrahimoviç, por që ndihmonte edhe futbollistët e tjerë në rast nevoje.
Po ashtu, është urdhëruar që të shmangen ndërhyrjet ndaj brazilianit në stërvitje dhe Neymar të mos marrë pjesë në fazën mbrojtëse të ekipit.
Të gjithë këto privilegje, dhuruar Neymarit nuk janë pritur aspak mirë nga pjesa tjetër e ekipit dhe disa prej tyre kanë filluaar që tani, ta kenë ‘halë në sy’ brazilianin.
Kështu, Neymar, nga futbollisti më i shtrenjtë, i marrë për të fituar Championsin, mund të shndërrohet një problem të vërtetë për atmosferën brenda ekipit dhe të shkaktojë përçarje.