Federata Franceze e Futbollit është pa një numër një. Noel La Graet dha dorëheqjen para disa ditëve teksa u akuzua për ngacmime seksuale shtuar këtu edhe disa opinione ulëse mbi figurën e Zinedine Zidane. Në këtë formë, në Francë ka nisur gara për të zëvendësuar La Graet teksa një nga emrat e përfolur ishte edhe Michele Platini.
Megjithatë, legjenda e kombëtares franceze dhe e Juventusit së fundmi vendos “Pikat mbi I” duke u shprehur se pas drejtimit të UEFA-s nuk do të marrë më kurrë drejtimin e një instuticioni futbollistik.
Lexo edhe:
- Pogba bëhet “bajat”, tjetër dëmtim për francezin
- Pronari i Chelsea-t kërkon me çdo kusht titullarin e Barçës
- Bindja e trajnerit të Kombëtares: Napoli fiton edhe Champions League
- VIDEO/ Goli i 10-të sezonal, Et’hemi i pandalshëm në elitën turke
“Nuk do të kandidoj për kreun e Federatës. Në korrikun e vitit të kaluar e bëra të qartë se nuk do të drejtoj më asnjë institucion futbollistik. Më duket se Federata franceze është një institucion futbollistik, ndaj vendimi im është i qartë dhe ai që kam shprehur në vitin e kaluar”, u shpreh Platini duke u distancuar tërësisht nga gara për Federatën franceze.
