Connect with us

Hi, what are you looking for?

Serie A

Federata Italiane modifikon protokollin e sigurisë dhe pret “dritën jeshile” për nisjen e kampionatit

Në Itali kanë nisur stërvitjen e diferencuar nën masa maksimale higjienike të gjithë klubet e Serisë A, megjithatë ende nuk dihet nëse dhe kur do të ristartojnë ndeshjet e mbetura të sezonit 2019-2020.

Paraprakisht është “ndezur drita jeshile” që duke filluar nga java e ardhshme, të nisin stërvitjet në grupe me nga 5 lojtarë dhe të vijohet kështu duke shtuar numrin deri në stërvitjet e plota në grup, në pritje të miratimit të një date për nisjen e ndeshjeve.

Ditën e djeshme Federata Italiane e Futbollit ka bërë edhe ndryshimet e rekomanduara në protokollin e sigurisë dhe e ka dorëzuar atë pranë ministrive italiane të Shëndetësisë dhe të Sporteve.

Tani mbetet në dorë të dy ministrave përkatës, Speranza e Spadafora, që të ulen në tryezë me kryeministrin Conte dhe Komitetin Teknik të menaxhimit të pandemisë, për të vendosur një datë për rifillimin e kampionatit italian.

Megjithatë rruga drejt rifillimit të kampionatit është ende e gjatë, pasi tani pritet që të vijë miratimi, ndërsa zv. Sekretari i Shëndetit Publik, Mario Zampa deklaroi se ndryshimet në protokoll ishin të domosdoshme dhe se nuk duhet vënë në rrezik jeta e askujt.

“Flitet për humbje të mëdha nëse nuk rifillon kampionati, por protokolli është shumë i rëndësishëm për të ruajtur jetën e njerëzve. Kemi vendosur që klubet të qëndrojnë të izoluara dhe nëse një lojtar i vetëm do të rezultojë pozitiv, atëherë do të ndërpritet kampionati për të paktën dy javë”, deklaroi Zampa.

Gjithsesi vlen të theksohet se nëse do të zbatohet kjo normë dhe në klubet e Serisë A do të rezultojë ndonjë lojtar pozitiv, atëherë do të jetë e pamundur që kampionati të përfundojë brenda afateve që ka vendosur UEFA, ose më saktë brenda muajit korrik.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...