Connect with us

Hi, what are you looking for?

Kombëtare

Femra/ Megi Doçi merr për dore Shqipërinë, fitore me goleadë ndaj Armenisë

Përfaqësuesja shqiptare e futbollit të femrave mori një fitore me goleadë ndaj Armenisë në “Air Albania”. Vajzat e drejtuara nga Armir Grima fituan thellë 5-0, duke siguruar suksesin e parë në Grupin F eliminator të Botërorit, pas barazimit me Kosovën dhe humbjes së rëndë në fushën e Belgjikës.

Spikatën në radhët e Shqipërisë me nga një dygolësh e zakonshmja Megi Doçi dhe sulmuesja e skuadrës së Bazelit, Mimoza Hamidi, ndërsa të fundit e realizoi Esi Lufo.

Numri 11 i skuadrës sonë, frymëzuesja e thuajse çdo aksioni të Shqipërisë e zhbllokoi takimin që në minutën e 12-të, ndërsa katër minuta më vonë ftoi në goditje Hamidin, me një krosim të saktë nga e majta për golin e 2-0.

Në fund të pjesës së parë pati kohë për një tjetër gol të shënuar nga Megi Doçi, e ndihmuar edhe nga devijimi i një mbrojtëseje.

Skuadra e Grimës u shfaq dominuese në fushë edhe gjatë fraksionit të dytë, por pavarësisht një morie rastesh, shënoi vetëm dy gola me Mimoza Hamidin dhe Esi Lufon.

Përfundimisht 5-0 në “Air Albania”, një fitore e merituar për Shqipërinë, që tashmë ngjitet në kuotën e katër pikëve, duke lënë pas si Armeninë dhe Kosovën.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...