Shqipëria e femrave, e drejtuar nga Vioresin Sinani, ka nisur ditën e sotme grumbullimin për dy ndeshjet eliminatore të vlefshme për Grupin E, ndaj Portugalisë, më 4 tetor, në “Elbasan Arena, në orën 18:00, dhe transfertën ndaj Finlandës, më 8 tetor, në orën 18:00.
Skuadra është grumbulluar në qytetin e Elbasanit, ku do të kryejnë edhe seancat stërvitore në prag të ndeshjes me Portugalinë, që është edhe ndeshja e dytë për këto eliminatore të Grupit E (Shqipëria është në një grup me Skocinë, Portugalinë, Finlandën dhe Qipron).
Nën urdhrat e trajnerit Sinani janë 18 lojtare. Boshti skuadrës përbëhet nga futbollistet që luajnë me Vllazninë, Tiranën dhe Feronikelin, ndërkohë që një pjesë tjetër e grupit përbëhet nga vajza që luajnë në skuadra jashtë Shqipërisë, siç janë Rrahmani, Hila, Morina, Krasniqi, Begolli, Maksuti, Velaj e Bejleri.
Pas ndeshjesh me luzitanet, skuadra do të stërvitet në Elbasan deri më datë 6 Tetor, dhe në 7 Tetor në mëngjes do të udhëtojnë drejt Vasas në Finlandën ku më datë 8 Tetor do të luajnë ndeshjen e tretë eliminatore.
Lista për dy ndeshjet me Portugalinë dhe Finlandën:
