Arbër Zeneli në orbitën e skuadrës turke Fenerbahce. Futbollisti i përfaqësueses së Kosovës po kalon një periudhë të artë te Heerenveni në Eredivisie, ndaj dhe ka tërhequr vëmendjen e klubeve të mëdha, siç janë dhe gjigantët turq.
“Arbër Zeneli është preferencë e Fenerbahçes për afatin kalimtar të janarit. Zeneli ka dëshmuar veten në Holandë. Fenerbahçe duhet ta bindë mesfushorin, pasi në garë janë edhe Ajaxi dhe PSV-ja”, shkruan “fanatik.com.tr”.
“Kanarinat e verdha” zë vendin e 13-të në Superligën e Turqisë gjersa në Ligën e Evropës zënë vendin e dytë në Grupin D.
Futbollisti 23-vjeçar këtë edicion në elitën e futbollit holandez ka shënuar dy gola në 12 paraqitje dhe ka dhënë 7 asiste.
Sipas transfermarkt.de vlera e kartonit të Zenelit është 5 milionë euro.