Carlos Alcaraz vazhdon të magjepsë botën e tenisit. Spanjolli 19-vjeçar, tashmë numri 9 në renditjen e ATP-së, mposhti 2-1 me sete idhullin e tij, Rafa Nadal, në çerekfinalen e “Mutua Madrid Open”, Mastersi 1000 i katërt i sezonit (çmimi prej 6,744,165 €), që po luhet në kryeqytetin spanjoll.
E nis mirë fenomeni Alcaraz, i cili mbylli setin e parë 6-2, por më pas erdhi reagimi i e bashkatdhetarit më me përvojë, i cili në të dytin e fitoi 6-1. Në setin vendimtar, megjithatë, Alcaraz rigjeti formën më të mirë, atë që shfaqi në fillim të duelit, dhe në fund e fitoi me rezultatin 6-3.
Spanjolli i ri tani do të përballet në gjysmëfinale me numrin 1 në botë, serbin Novak Djokovic, i cili pasi përfitoi nga tërheqja e skocezit Andy Murray në raundin e kaluar, kaloi pa vështirësi 6-3, 6-4 polakun Poli Hubert Hurkacz.
