Ferizaj ka marrë një tjetër 3-pikësh shprese, këtë herë në shtëpi përballë rivalit direkt për mbijetesë, Dukagjinit, që mbetet në vendin e fundit me vetëm 8 pikë të grumbulluara.
Vendasit shënuan me Karahodën në minutën e 15’ dhe në të 35-ën gjetën edhe golin e sigurisë me anë të Dajakut, që shënoi nga pika e penalltisë, duke i dhënë skuadrës 3 pikë me mjaft vlera, që ngjit në kuotën e 15 pikëve.
Kampionati në Kosovë kryesohet nga Ballkani me 34 pikë, i ndjekur nga Drita e Gjilani me nga 31 pikë, e Prishtina me 30, teksa do të jenë pikërisht këto 4 skuadra që do të luajnë për titullin kampion të këtij sezoni.