Feronikeli ndal serinë e fitoreve radhazi, duke barazuar 1-1 në “Fadil Vokrrin” me Prishtinën në ndeshjen përmbyllëse të javës së 21-të të IPKO Superligës së Kosovës.
U zhvillua një ndeshje me nivel të kënaqshëm nga të dyja skuadrat, me raste të shumta në portat respektive, por gjithsesi nuk pati një fitues.
Feronikeli u shfaq më i rrezikshëm në fillim me Mendurim Hotin (7) dhe pastaj me Kastriot Rexhën (14’), megjithatë golin që zhbllokoi takimin e shënoi Prishtina me anë të Leutrim Bekteshit (17’), i cili shënoi pas harkimit nga Armend Thaqi. Në vazhdim vendasit morën lojën në duar, por rezultati mbeti i pandryshuar.
Rexha tentoi edhe një herë golin për mysafirët, ndërsa Hoti shënoi në minutën e 65-të pasi u shërbye nga Arbër Prekazi.
Vlen të theksohet se nga minuta e 57-të Prishtina luajti me një lojtar më pak, pasi Leutrim Bekteshi u përjashtua pas dy kartonëve të verdhë.
Feronikeli me këtë pikë të marrë në Prishtinë ruan diferencën prej 5 pikësh me kryeqytetasit, që tashmë janë barazuar me pikë nga Llapi.
