Feronikeli do të prezantojë së shpejti pasuesin e Zekirija Ramadanit, i cili u largua nga ekipi nga Drenasi menjëherë pas eliminimit nga Slovan Bratislava në Europa League. Nëpërmjet një qëndrimi zyrtar, kampionët e IPKO Suprligës së Kosovës kanë sqaruar se trajneri i ri do të jetë i huaj, duke hedhur poshtë lajmet e fundit se është arritur marrëveshja me të mirënjohurin Bilbil Sokoli.
“KF Feronikeli hedh poshtë spekulimet e medieve kinse është arritur marrëveshje mes klubit tonë dhe trajnerit Bilbil Sokoli, madje as qe kemi biseduar me të.
KF Feronikeli sqaron opinionin se është afër marrëveshjes me një trajner të huaj dhe shpejt pritet zyrtarizimi i tij.
Lusim mediet se para se të bëjnë lajme të marrin informacione nga klubi, i cili është i hapur për të gjithë të interesuarit. Po ashtu të gjitha informacionet e klubit mund t’i gjeni në kohë reale në uebfaqen tonë feronikelifc.com”.
