Massimo Ferrero kthehet të flasë për Sampdorian dhe e bën këtë duke larguar njëherë e mirë kërcënimet për dënimin e gjenovezëve. Ish- presidenti i klubit dorian ka deklaruar se të gjithë futbollistët do të marrin pagat, pavarësisht vonesave.
“Nuk do të ketë dënim për Sampdorian, ta keni të qartë. Ka vonesë pagash, por jemi në kontakt me futbollistët dhe ata e dinë që do t’i marrin paratë e tyre. Unë kam paguar në mënyrë korrekte edhe në kohën e pandemisë”, u shpreh Ferrero.
Më pas presidenti, që është bërë shpesh protagonist me mënyrën simpatike si i përjeton ndeshjet, provoi të karikojë të tijtë në prag të sfidës me Interin.
“Tani pres që të hënën të asfaltojmë Interin. Unë besoj gjithmonë, pasi futbolli luhet 11 kundër 11 dhe në fund fiton skuadra që ha më shumë bar”, tha Ferrero.
