Festa e fitores së thellë në derbin ndaj Milanit, nuk ka zgjatur shumë për Lautaro Martinez, pasi restoranti në pronësi të bashkëshortes së tij në qendër të Milanos, është grabitur në orët e para të mëngjesit të së dielës.
Restoranti ‘Coraje’ është në pronësi të Agustina Gandolfos dhe pozicionohet në një nga zonat më të pasura të Milanos, praktikisht në qendër të qytetit, teksa policia ka nisur hetimin, duke marrë edhe pamjet e kamerave të sigurisë.
Momentalisht bëhet me dije se grabitësit kanë qenë katër persona me kapuçë, që kanë hyrë brenda restorantit dhe kanë thyer kasën, duke marrë që aty një shifër prej rreth një mijë eurosh.
Lexoni edhe:
- Triumfi në derbi/ Vazhdon festa te Inter, Inzaghi u jep lojtarëve një ditë pushim
- FSHF organizon turneun ‘UEFA Development U-15’ për vajza, Shqipëria përballet me Ishujt Faroe, Maltën e Luksemburgun
- Ten Hag nuk e konsideron, Barcelona “hidhet” në sulm për lojtarin e United
- Cagliari-Udinese mbyllet pa fitues, skuadrat ende nuk kanë provuar “shijen” e fitores këtë sezon
Policia ka gjetur edhe një derë të pasme të dëmtuar, nga e cila besohet se kanë hyrë dhe dalë grabitësit, teksa aktualisht po punohet për të gjetur gjurmë të tyre, në mënyrë që të identifikohen dhe vihen para drejtësisë.
Restoranti në pronësi të bashkëshortes së Lautaro Martinez, përveçse ka një klientelë VIP, është bërë shpesh destinacion festash për futbollistët e Interit, edhe për faktin që ndodhet në zemër të Milanos.
