Featured

Festë dhe rekorde, Ancelotti dhe Benzema shkruajnë historinë

Real Madrid mposhti 2-0 Athletic Bilbao dhe fitoi Superkupën e Spanjës për herë të 12-të në histori. Luka Modric dhe Karim Benzema shënuan golat e fitores për “Los Blancos”, të cilët po zhvillojnë një sezon fantastik me Carlo Ancelottin në stol.

Ky ishte trofeu i parë që fiton 62-vjeçari në aventurën e dytë si trajner i Realit dhe i pesti në total me klubin e famshëm spanjoll. Me suksesin e djeshëm në Arabinë Saudite, Ancelotti është kthyer në teknikun e parë italian që fiton Superkupën e Spanjës.

Rekord edhe për Karim Benzema, i cili po përjeton një rini të dytë tek ekipi ku luan prej vitit 2009. 34-vjeçari realizoi golin e 24-t sezonal, fitoi trofeun numër 19 me Realin dhe të 28-in në karrierë, duke u bërë lojtari francez me më shumë kupa të fituara në histori.

Jo vetëm kaq pasi me golin ndaj skuadrës baske, Benzema është ngjitur në kuotën e pesë realizimeve në Superkupën e Spanjës, duke qenë golashënuesi i katërt më i mirë në histori. Vendin e parë e mban Leo Messi me 14 gola në duelet finale të këtij kompeticioni.

Të Fundit

To Top
Evolve Web Agency Evolve Web Agency