Connect with us

Hi, what are you looking for?

Eredivisie

Feyenoordi përmbys Volendamin, ruan kreun e Eredivisies

Feyenoordi konfirmohet edhe një herë tjetër si forcë e parë në Eredivisie. Roterdamasit marshojnë përpara drejt objektivit të titullit kampion, teksa fituan me përmbysje ndaj Volendamit me rezultatin 2-1.

Ekipi i Arne Slot vuajti në pjesën e parë ndërsa u ndëshkua që në minutën e 12′  ku Van Mieghem realizoi një gol të bukur me anë të një kundërsulmi të shpejtë.

Feyenoordi nuk kishte rrezikshmërinë e duhur në fraksionin hapës teksa nuk regjistroi asnjë goditje në kuadrat, por shfaqi një fytyrë krejt ndryshe në pjesën e dytë.

Roterdamasit u shpërbylen për fillimin e vrullshëm të pjesës së dytë me golin e Santiago Gimenez në minutën e 52′, me sulmuesin meksikan që shfrytëzoi në maksimum asistin e Geertruida dhe me një finalizim instiktiv mposhti portierin Stankovic.

LEXO EDHE:

Feyenoordi vijoi të dominonte në aspektin e mbajtjes së topit dhe krijimit të rasteve dhe goli i dytë erdhi pas një autogoli të shkaktuar nga mbrojtësi Mirani.

Holandezi ishte i pafat në tentativën për të larguar topin e goditur nga Gimenez teksa e dërgoi në portën e tij dhe nxorri jashtë loje dhe portierin Stankovic.

Feyenoordi administroi epërsinë deri në vërshëllimën finale dhe mori tri pikë të arta që e mbajnë në vendin e parë me 58 pikë, tri pikë më shumë se ndjekësit e Ajax.

Ndërkohë që Volendam që drejtohet nga legjenda holandeze e futbollit Wim Jonk, mund të largohet me kokën lart nga Roterdami pas një paraqitjeje solide në mbrojtje dhe mbeten në vendin e 14-të me 23 pikë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...