Prishtina në basketboll për meshkuj ka shënuar një kualifikim historin në TOP 16 të FIBA Euro Cup. Skuadra më e mirë e Kosovës mposhti në ndeshjen e fundit në grup 82-78 ekipin turk Karsyaka. Ndeshja ka qenë dramatike deri në momentet e fundit të saj, kur Dardan Berisha shënoi dy pikëshin vendimtar për 82-78. Në sekondat e fundit të ndeshjes, turqit tentuan për tre, por nuk arritën dhe 4 sekondat e mëtejme kaluan në festë. Katër basketbollistë të Prishtinës përfunduan ndeshjen me pikë dyshifrore. Khalid Boukichou shënoi 16 pikë, ndërsa nga 15 shtuan Dardan Berisha dhe Kyan Anderson. Demario Mayfield shënoi 13 të tjera.
Me këtë fitore, Prishtina ka përfunduar Grupin I të FIBA Europe Cup me bilanc 2-4, ndërsa Karsiyaka 3-3.
Tifozët e Prishtinës e ndezën atmosferën në në pallatin e sportit për këtë arritje historike, pasi për herë të parë një ekip nga Kosova kualifikohet mes 16 skuadrave më të mira në FIBA Euro Cup.