Botërori për klube që njohim sot, mund të zhduket shumë shpejt si kompeticion. FIFA po studion mundësinë e krijimit të një formati të ri, për të zëvendësuar Kupën e Konfederatave dhe një Botëror i ri për Klube, më i zgjeëruar, dhe që do të zhvillohet çdo katër vjet në muajin qershor, duke nisur që nga viti 2021, është një nga propozimet më ambicioze që presidenti i FIFA-s, Gianni Infantino, u ka dërguar federatave kintinentale.
Një ndryshim ky i detyrueshëm për shkak të të ardhurave të ulëta që gjenerohen nga dy turnetë aktuale (Kupa e Konfederatave dhe Botërori i Klubeve), por edhe për të shmangur hendekun që madh që ekziston mes pjesëmarrësve.
Formati i ri do të shmangë interferimin e Botërorit të Klubeve në kalendarin e kampionateve, sidomos në Europë.
Propozimi i ri lidhet veçanërisht me anën financiare, pasi, ndryshe nga Kupa e Botës, që organizon FIFA, as Kupa e Konfederatave dhe as Botërori i Klubeve nuk janë tërheqës për tifozët dhe sponsorët.
Në historinë e Botërorit të Kluvebe, trofeu është fituar vetëm nga skuadrat europiane dhe ato nga Amerika e Jugut.
Infantino po i paralajmëron federatat kontinentale se ai i fituar nga Gjermania në “Rusi 2017” do të jetë edicioni i fundit i Kupës së Konfederatave.
Por si mendohet të jetë formula e këtij kompeticioni?
Hipoteza më e pranueshme është ajo me 24 skuadra të ndara në 8 grupe. Kalojnë grupin skuadrat e para, që më pas vijojnë me eliminimet direkt deri në finale. Skuadrat pjesëmarrëse do të zhvillojnë 2 takime minimumi, ndërsa finalistet maksimumi 5.
Europa do të ketë 12 skuadra, fitueset dhe finalistet e katër edicioneve të fundit të Championsit dhe katër ekipe të tjera me koeficientin më të mirë.
Nga Amerika e Jugut 5 ekipe, Azia, Afrika dhe Amerika e Veriut nga 2. Skuadra e 24-t do të jetë kampionia e vendit organizator.
Periudha e zhvillimit të kompeticionit mendohet të jetë nga 10 deri më 30 qershor. Për edicionin e parë vend organizator pritet të jetë Kina.