Rikthimi i Paul Pogba te Juventusi nuk ka qenë aspak ashtu siç pritej, të paktën në këtë sezon të parë, me yllin francez që ka kaluar më së shumti kohën në infermieri.
Së fundi Pogba u rikthye titular në ndeshjen ndaj Cremoneses, por qëndroi në fushë vetëm 24 minuta, pasi një tërheqje muskulore e detyroi të lërë fushën mes lotësh.
Mesfushori francez ka kryer ekzaminimet mjekësore paraditen e të hënës, nga të cilat është evidentuar një tërheqje e gradës së ulët, duke ulur alarmin.
Lexo edhe:
- Një tjetër “yll” në shitje, mesfushori drejt largimit nga PSG pas 11 sezonesh
- Xavi: Ishin 10 muaj me sakrifica, vulosëm kampionatin me një ndeshje fantastike
- Humbja ndaj Brighton, Arteta: Kam vetëm zhgënjim, ua dhuruam pjesën e dytë
- Zielinski: Vjet refuzova kalimin në Premier League, dua të qëndroj këtu!
Megjithatë është e sigurt që Pogba e ka mbyllur sezonin e tij me Juventusin, pasi në rastin më të mirë, do t’i duheshin rreth 20 ditë për t’u rikuperuar.
Tani mesfushori pritet të nisë pushimet, për t’u rikthyer në korrik, me shpresën që këtë herë nuk do ta ndjekë pas fati i keq i dëmtimeve të njëpasnjëshme.
