Chelsea ka nevojë për përforcime në mbrojtje, repart ku ka humbur lojtarë si Toni Rudiger dhe Andreas Christensen. Objektivi i madh është Matthijs De Ligt, i cili është i preferuari i trajnerit Thomas Tuchel.
Drejtuesit e “Bluve të Londrës” kanë nisur bisedimet me Juventusin, që nga ana tjetër po tenton të rinovojë me 22-vjeçarin holandez. Chelsea është gati të përfshijë Timo Werner në operacionin e kalimit të De Ligt në “Stamford Bridge”.
Sulmuesi gjerman, i cili shihet si zëvendësuesi i Alvaro Moratës tek ekipi italian, ka pranuar kalimin nën urdhrat e Max Allegrit në Serie A. De Ligt ka një klauzolë shitjeje prej 120 milionë eurosh.
Klubi anglez ka gati një ofertë prej 45 milionë eurosh + kartonin e Werner për të mbërritur te qendërmbrojtësi i talentuar. Tani pritet përgjigja e Juventusit… Një tjetër klub i interesuar për De Ligt është edhe Manchester City.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?