Entuziazmi i suksesit në derbi ndihet më shumë se kurrë në kampion e kuq. Klubi 16 herë kampion i Shqipërisë ka postuar në faqen zyrtare një video me pamjet para, gjatë dhe pas derbit, me titullin “Filmi i Derbit”, motivuar nga filmi “Gladiatori”.
Interesant fjalimi motivues i trajnerit Ilir Daja, që sikurse në filmin e famshëm, u thotë lojtarëve: “Do të dalim në arenë, por nuk do të vdesim.”
“Filmi është triller, arenat janë të vërteta. Koloseu është edhe sot. Dilnin në fushë, o vdisnin o fitonin. Duhet të jemi të gjithë bashkë, nëse do të fitojmë. Do të dalim në arenë, por nuk do vdesim. Duhet të jemi të gjithë bashkë. Fitore!”
Përfundimi dihet, Partizani triumfoi në “Elbasan Arena” me golin e Eraldo Çinarit e tani vëmendja është fokusuar të përballja e radhës me një rivale direkte, siç është Teuta.