UEFA ka zyrtarizuar arbitrat kryesor për dy finalet e kompeticioneve europiane, Champions League dhe Europa League. Kështu, për finalen e 16 majit, në Europa League, mes Atleticos së Madridit dhe Olimpique Marseille, që do të zhvillohet në stadiumin e Lyonit, do të japë drejtësi holandezi Bjorn Kuipers.
Sa i përket finales së kompeticionit më të rëndësishëm për klube, Championsit, që do të luhet më 26 maj në Kiev, gjykimi i është besuar serbit Milorad Mazic.