Conference League ka arritur në aktin e fundit me finalen mes West Ham dhe Fiorentinës të planifikuar për të mërkurën në mbrëmje në orën 21:00, që do të luhet në Pragë dhe që për publiku shqiptar do të transmetohet ekskluzivisht në “SuperSport 2” dhe në “Digitalb”.
Duke folur për mediet në prag të këtij takimi, trajneri i “Hammers”, David Moyes u shpreh se Fiorentina është një kundërshtar i komplikuar.
Lexo edhe:
- Grumbullimi i Shqipërisë/ Grupit i bashkohet Cikalleshi, stërvitje e diferencuar për mesfushorin
- Ish-mbrojtësi i Bylisit braktis Superioren, rikthehet në Maqedoni te Shkëndija
- Vllaznia gjen pasuesin e Sedloskit, zyrtarizimi pritet në orët e ardhshme
- “Mos rreziko”, Verstappen injoroi sërish urdhrat e skuadrës në Çmimin e Madh të Spanjës
“Fiorentina më bën shumë përshtypje, Ata janë një kundërshtar i komplikuar dhe është gjithmonë e vështirë të përballesh me skuadrat italiane. Ne i respektojmë shumë.”-tha ai.
Më tej tekniku theksoi se ndihet i privilegjuar që është në këtë finale europiane.
“Unë nuk e shoh veten ndryshe nga askush tjetër në këtë dhomë. Jam i privilegjuar sepse kam kaq vite që stërvitem dhe tani mund të luaj në një finale. Unë kurrë nuk e shoh veten si legjendë në këto kushte, më pëlqen të njihem si trajner, një njeri serioz që jep gjithmonë maksimumin dhe gjithmonë përpiqet t’i bëjë skuadrat e tij konkurruese”-u shpreh Moyes.
