Një gol me penallti i Ludovic Blas në fillim të pjesës së dytë, i dha Nantes trofeun e Kupës së Francës, pasi skuadra e drejtuar nga Antoine Koumbare ia doli të triumfojë me rezultatin minimal 1-0 ndaj Nices në finale.
Në “Stade de France” Nantes vinte me efektin e skuadrës surprizë në finale, teksa Nice e drejtuar nga i mirënjohur Galtier, shihej si favorite kryesore për të fituar trofeun e dytë më të rëndësishëm në futbollin francez.
Megjithatë Nice dominoi vetëm në kontroll topi, pasi gjithçka tjetër ishte e balancuar, deri në fillim të pjesës së dytë, kur Boudaoui preku topin me dorë në zonë dhe arbitri akordoi penallti.
Nga pika e bardhë shkoi numri 10 i Nantes, Ludovic Blas, i cili gjuajti saktë dhe dërgoi topin në rrjetë, ndërsa më pas rezultati mbeti i pandryshuar, duke bërë që skuadra të festojë triumfon në Kupën e Francës, trofe të cilin e fiton për herë të katërt në histori.
Herën e fundit që Nantes kishte triumfuar në Kupën e Francës, datonte në vitin 2000, teksa vlen të theksohet se Nice e ka fituar tre herë këtë trofe, të fundit pikërisht në vitin 1997.