Nicola Sansone është objektivi i merkatos së janarit për drejtuesit e Fiorentinës. Mesfushori i avancuar i Villarrealit nuk po luan shumë këtë sezon te “Nëndetësja e Verdhë” dhe mundësitë që ai të largohet janë rritur ndjeshëm. 27-vjeçari shihet si njeriu i duhur në kampin vjollcë për të mbështetur Giovani Simeonen në sulm, pasi kroati Marko Pjaca duket se nuk i ka përmbushur pritshmëritë e drejtuesve, të cilët mendojnë që ta rikthejnë tek Juventusi. Sansone është një futbollist që e njeh mirë Serinë A, pasi ka luajtur më parë te Parma, Crotone dhe Sassuolo, përpara se të transferohej në Spanjë në vitin 2016 për 12 milionë euro. Për 27-vjeçarin interesohet edhe skuadra e Bolognas.
