Bundesliga

Fiton 2-1 me Eintracht Frankfurt, Werderi jashtë rrezikut të rënies

Werder Bremeni e shfrytëzoi më së miri faktorin fushë për të mposhtur 2-1 Eintrachtin e Frankfurtit, duke krijuar një distancë sigurie prej 10 pikësh me zonën e rënies nga kategoria. Në “Weserstadion” u zhvillua një lojë e hapur, pasi të dyja skuadra kërkonin maksimumin e pikëve, por në fund miqtë ishin të detyruar të pajtoheshin me disfatën, që i zbret në vendin e 6-të.

Vendasit e gjetën golin në minutën e 28-të me Junuzovic, ndërsa në pjesën e dytë Eintrachti barazoi me Jovic, pasi u shërbye nga Boateng.

Në minutën e 79-të Abraham, në tenatativë për të larguar me kokë rrezikun, nxori jashtë loje portierin, duke shënuar në portën e tij, finalizim që i dha tri pikë Werderit.

Ndërkohë sfida e dytë dhe e fundit e kësaj të diele në Bundesligë mes Mainzit dhe Borussias së Monchengladbachut u mbyll në barazim pa gola.

Eventet Sportive në SuperSport

Të Fundit

EVENTET NË SUPERSPORT

To Top
Evolve Web Agency Evolve Web Agency