Marseille fiton me përmbysje me rezultatin 3-1 ndaj Angers të vendit të fundit, në takimin e javës së 35-të të Ligue 1.
Ishin vendasit ata që diktuan ritmin e të gjithë sfidës, megjithatë rezultati u zhbllokua nga miqtë, me Sima që realizoi në minutën e 28’.
Lexo edhe:
- AEK fiton titullin pas pesë sezonesh, nis festa në Athinë
- Drama e Pogbasë, largohet mes lotësh nga fusha
- Donat Rrudhani: Jam shumë i kënaqur për titullin kampion me Young Boys, por tani dua të luaj më shumë
- Për biletën e finales duhet një mrekulli, Leao “bën me krahë” Milanin
Avantazhi i Angers zgjati deri në minutën e 34’, pasi Sanchez i asistuar nga Clauss barazoi për Marseille dhe bëri që pjesa e parë e takimit të mbyllej me rezultatin 1-1.
Ndërsa sa i përket fraksionit të dytë, vetëm tre minuta pas nisjes së kësaj pjese, Payet përmbysi gjithçka, duke kaluar vendasit në avantazh në minutën e 48’.
Marseille nuk u mjaftua me aq, me Veretout i cili realizoi golin e tretë për vendasit, duke shënuar nga pika e bardhë e penalltisë dhe duke vulosur rezultatin e kësaj përballjeje.
Pas javës së 35-të të Ligue 1, Marseille renditet në vend të tretë me 73 pikë, teksa Angers renditet në vend të fundit me 14 pikë.
