Stuttgart siguron qëndrimin në Bundesliga pas fitores me rezultatin e përgjithshëm 1-6 ndaj Hamburgut.
Takimi i parë mes tyre u mbyll me fitoren 3-0 të Stuttgart, ndërsa edhe në ndeshjen e kthimit, të zhvilluar këtë të hënë në “Volksparkstadion” ka triumfuar, me rezultatin 1-3.
Lexo edhe:
- Triumfon në finale ndaj Gjilanit, Prishtina fiton për të tetën herë Kupën e Kosovës
- Barella: Finalja e Champions League, e kthyem Interin aty ku i takon
- Tottenham gjen trajnerin e ri, Postecoglou do jetë në krye të “Spurs” për dy sezone
- Botërori i minifutbollit, Shqipëria ngec ndaj Moldavisë
Ishin vendasit ata që gjetën të parët rrugën drejt rrjetës me Kittel në minutën e 6’, miqtë tentuan të reagonin dhe shënuan në minutën e 17’ me Guirassy megjithatë pas verifikimit në VAR ai gol u anulua për pozicion jashtë loje.
Në ndryshim nga fraksioni i parë, pjesa e dytë foli më shumë për Stuttgart dhe në minutën e 48’ Millot gjeti golin e barazimit, teksa në minutën e 64’ po ai do të shënonte dhe do të përmbyste rezultatin, në fund gjithçka u vendos në minutën e 90+7′ me Sila që realizoi golin e tretë për Stuttgart.
Në fund Stuttgart triumfon dhe qëndron në Bundesliga, ndërsa Hamburgut nuk ia del të ngjitet në elitën e futbollit gjerman.
