Reali i Madridit fitoi 2-0 ndaj Valencias në “Santiago Bernabeu”, takim që u vendos nga golat e Asension dhe Vinicius Junior në minutat e para të pjesës së dytë.
Kampionët në fuqi të Spanjës vijojnë garën me Barcelonën, me katalanasit që kryesojnë me pesë pikë më shumë. Fitore me kosto për Realin, që ka humbur shërbimet e Karim Benzema dhe Eder Militao.
Kapiteni, i cili ishte protagonist me dy asiste, dhe mbrojtësi brazilian u detyruan të ngrinin flamurin e bardhë si pasojë e lëndimeve.
Dhimbje koke për trajnerin Carlo Ancelotti, i cili mund të mos bazohet te dy titullarët në Botërorin për klube. Kompeticioni filloi më 1 shkurt dhe do zgjasë 11 ditë.
Dy lojtarët do t’i nënshtrohen kontrolleve të detajuara mjekësore për të mësuar kohën e rikuperimit të tyre.
SKUADRAT PJESËMARRËSE NË BOTËRORIN PËR KLUBE
Afrikë: Wydad Casablanca (Morok), Champions League i Afrikës
Azi: Al Hilal (Arabia Saudite), Champions League e Azisë
Europë: Real Madrid (Spanjë), Champions League
Amerika e Veriut: Seattle Sounders (SHBA), CONCACAF Champions League
Oqeani: Auckland City (Zelanda e Re), OFC Champions League
Amerika e Jugut: Flamengo (Brazil), Kupa Libertadores
Afrika: Al Ahly (Egjipt), finalist i Champions League së Afrikës
