Bayerni i Mynihit arriti të marrë një fitore pa shumë shkëlqim përballë Augsburgut në sfidën e zhvilluar në “Allianz Arena”, që gjithsesi u mjaftoi djemve të Flick, të nisin shkëputjen në krye të renditjes.
Pas një pjese të parë të mërzitshme dhe pa gola të shënuar, ishte sulmuesi veteran Thomas Muller që zhbllokoi rezultatin në fillim të 45-minutëshit të dytë, ndërsa shifrat i vulosi fantazisti Leon Goretzka pak para fundit të ndeshjes.
Me këtë triumf bavarezët e Hans Flick u ngjitën në kuotën e 55 pikëve, plot 4 pikë më tepër se Borussia e Dortmundit që mban vendin e dytë, ndërsa gara pritet të jetë e hapur dhe interesante deri në fund.