Fitorja në transfertë ndaj Sivasspor-it me rezultatin 3-4 e Ballkanit, për autorin e golit të parë, Armend Thaqi-n ishte shumë e rëndësishme.
Duke folur pas këtij takimi, Thaqi theksoi se sfida nisi shumë keq, por në fund qëllimi u arrit.
“Ndeshjen e nisëm keq. Ta fillosh 0:1 sidomos si mysafir është shumë e vështirë. Këtu u tregua karakteri i ekipit, ku u rikthyem në lojë. Ne e kthyem në lojë Sivassporin. Ia falëm dy gola dhe e rikthyem në lojë, por Zoti na ndihmoi që ta fitojmë ndeshjen. Kjo ndeshje na ka hapë rrugë që të arrijmë edhe më shumë se sa pjesëmarrja në fazën e grupeve. Shpresojmë që në ndeshjen e kthimit të shënojmë fitore dhe ti gëzojmë të gjithë tifozët”,-deklaroi mbrojtësi i kampionëve të Kosovës.