Fitorja ndaj Teutës për trajnerin e Kastriotit, Emiliano Çelën ishte e thjeshtë dhe e merituar nga ekipi I tij.
Duke folur në emisionin “Gol pas Goli”, Çela theksoi se djemtë e tij punuan shumë, ndërsa shtoi se beson që do ecin shumë përpara.
Duke folur për situatën dhe gjendjen e ekipit të tij, tekniku u shpreh se e vetmja gjë që I trembet është euforia e ekipit.
Fitore e thjeshtë: “Ky është ekipi im, që kam menduar dhe projektuar që prej ditës së parë. Kemi arritur në një ditë që ekipet e tjera shumë pak na rrezikojnë dhe jemi në një pikë që kemi ekuilibër. Jemi po prap dinamikë, me rendiment. Kështu që jam i kënaqur nga të gjithë çunat dhe puna që kemi bërë. I vetmi shqetësim i imi është euforia, pasi kemi ende shumë punë.”
Reagimi i Teutës në pjesën e dytë: “E prisja që Teuta të reagonte, u kujdesëm gjithë kohës. Kainas i dhamë detyrë që të kishte kujdes Aleksin. Ata duke parë këtë veprim tonin ndryshuan mënyrën e lojës, por ne kaluam me dy sulmues.”
Rritje në mënyrën e lojës: “I kemi dhënë shenjat nga mënyra e lojës që po bëjmë, e treguam te ndeshja me Partizanin. Thjesht jemi në proces pune e përmirësimi gjatë gjithë kohës. Do punojmë edhe më tej që edhe në momente më të vështira të jemi gati.”
Greca dhe Zogaj: “Është e rëndësishme që lojtarët të dinë të kthehen mbrapa e të marrin topin. Jam shumë i kënaqur, shpresoj të vazhdojmë kështu!”
