Liria e Prizrenit merr një tjetër goditje në luftën për mbijetesë në IPKO Superligën e Kosovës. Prizrenasit u mposhtën 1-0 në përballjen direkte me Flamurtarin e tashmë kuqezinjtë krijojnë një distancë prej 8 pikësh me vendin e 11-të, që bie direkt nga kategoria.
Golin e vetëm të këtij takimi, që rezultoi vendimtar për të përcaktuar fituesin, e realizoi Kelmendi në minutën e 55-të. Për Flamurtarin kjo ishte fitorja e parë pas tetë ndeshjes (4 barazime dhe po kaq humbje), çka ndikon në moralin e kuqezinjve për tentuar shmangien e barazhit.
Takimin tjetër i zhvilluar në Gjilan mes Dritës dhe Drenicës përfundoi në barazim 2-2. Shkëlqeu për ekipin nga Skënderaj Andrews, që shënoi dy herë në portën e “intelektualëve” në pjesën e parë, pikërisht në minutat 12’ dhe 42’, por intelektualët reaguan me Haxhimusës 15 para përfundimit të kohës së rregullt dhe Liridon Lecin në minutën e fundit shtesë, pasi një 11-metërshi të kontestuar nga miqtë. .
Nuk ndryshon asgjë në renditje, pasi Drita mbetet e katërt me 46 pikë, ndërsa Drenica ndjek me 8 pikë më pak.
