Flamurtari barazoi 1-1 me Lushnjën në “Roza Haxhiu” në testin e parë miqësor të minifazës së janarit, të cilën ekipi vlonjat po e zhvillon në shtëpi. Golit të Dervishit në pjesën e parë kuqezinjtë iu përgjigjën me finalizimin e Ribajt me kokë në fraksionin e dytë. Trajneri Ilir Daja e nisi takimin me formacinin më të mirë të mundshëm; Koliçi, Siljanovski, Alla, Polozhani, Kotobelli, Mustafa, Useini, Batha, Torassa, Cale dhe Musta, ndërsa gjatë lojës u aktivizuan: Qirko, M.Qarri, Ymeraj, Licaj, Deliaj, Mucollari, Diamanti, Haruni, Ribaj e Ziaj. Sipas njoftimit të klubit, Veliu , Busic dhe Beqaj vazhdojnë fazën e rikuperimit dhe seancën stërvitore e kanë kryer në palestër.
