Tjetër zyrtarizim nga Flamurtari para nisjes së kampionatit. Klubi vlonjat ka njoftuar nënshkrimin me mesfushorin Argjend Mustafa, i cili pritet të rritë ndjeshëm konkurrencën në repartin e ndërmjetëm. Futbollisti i lindur në Mitrovicë, i cili mbush 26 vjeç më 30 gusht, ka përvojë të gjatë në Kategorinë Superiore. Ka mbërritur në Shqipëri në vitin 2012 te Besa e Kavajës në vitet në vazhdim ka veshur fanellat e Partizanit, Laçit, Tiranës dhe Kamzës. Pasi luajti gjatë gjysmën e dytë të sezonit të kaluar te Vushtria, rikthehet në elitën e futbollit shqiptar te kuqezinjtë, pikërisht në një nga skuadrat pretendente për titullin kampion në edicionin e ri.