Cristiano Ronaldo kryeson listën e sportistëve më të pasur europianë për vitin 2017. Sipas revistës Forbes, sulmuesi i Realit të Madridit ka përfituar plot 93 milionë dollarë gjatë vitit të kaluar. Sigurisht që tek të ardhurat e tij, përvec pagës që përfiton si futbollist i “Los Blancos”, përfshihen edhe përfitime të shumta nga të drejtat e imazhit.
Pas “yllit” portugez vjen tenisti Roger Federer, me 64 milionë dollarë, ndërsa i treti, golfisti Rory McIlroy me plot 50 milionë dollarë të përfituar vetëm gjatë vitit të kaluar. Sigurisht që nuk mund të mungonte në listën e sportistëve europianë më të paguar me plot 46 milionë dollarë, Lewis Hamilton, pas të cilit, me 38.5 milionë, vjen një tjetër pilot i Formula 1, Sebastian Vettel.
I gjashti renditet tenisti serb, Novak Djokovic, ndërsa plotësojnë 10-shen Fernando Alonso, Gareth Bale, Conor McGregor dhe Zlatan Ibrahimovic.
1 – Cristiano Ronaldo 93 milionë dollarë
2 – Roger Federer 64 milionë dollarë
3 – Rory McIlroy 50 milionë dollarë
4 – Lewis Hamilton 46 milionë dollarë
5 – Sebastian Vettel 38.5 milionë dollarë
6 – Novak Djokovic 37.6 milionë dollarë
7 – Fernando Alonso, 36 milionë dollarë
8 – Gareth Bale 34 milionë dollarë ,
9 – Conor McGregor 34 milionë dollarë
10 – Zlatan Ibrahimovic 32 milionë dollarë
