Connect with us

Hi, what are you looking for?

Formula 1

Hamilton: “Objektivi? Të fitoj gjithçka!

Garë e luftuar fortë ajo mes gjermanit Vettel dhe anglezit Lewis Hamilton, me të dy protagonistët që kërkojnë të fitojnë gjithçka. Piloti i Mercedes prezantohet në Suzuka i relaksuar me qetësinë dhe sigurinë që i fal renditja në vendin e parë të klafikimit dhe 34 pikët e avantazhit ndaj pilotit të kokëkuqes. Tre herë Kampioni i Botës kërkon të ruajë tendencën pozitive dhe është besimplotë në potencialin e Mercedesit të tij. Sidoqoftë garat e fundit kanë treguar se Ferrari është një kockë e fortë dhe se vet njëvendëshja e Hamilton paraqet disa vështirësi, që cojnë në situata të paparashikuara, sidomos në vigjilje të garave. Duke foluar rreth asaj se cfarë nuk shkoi mirë në garën e fundjavës së kaluar në Sepang, Lewis ka pohuar se ende situata nuk është qartësuar tërësisht:

“Nga gara e fundit kanë kaluar shumë pak ditë dhe ne jemi ende duke analizuar situatën pa arritur në konkluzione. Sigurisht që nuk pres një makinë tërësisht të ndryshme por pres që të ketë një përformancë tjetër dhe këtë do ta vërtetojmë në pistë. Koha që është një faktor i rëndësishëm parashikohet të jetë me e freksët dhe ky mund të përkthehet në një avantazh, pasi dihet në mot më të nxehtë kemi hasur vështirësi.”

Në të vërtetë krahasuar me Ferrarin por edhe me Red Bull në garën e Singaporit dhe atë të Sepang Mercedesi nuk u prezantua si makina më e mirë, e për këtë Hamilton argumenton se edhe karakteristikat e pistave janë një element që shtojnë ose pakësojnë vështirësitë.

“Kemi zhvilluar disa gara në të cilat ne kemi qënë më të shpejtë se skuadrat e tjera dhe të tjera ku nuk e kemi arritur këtë, gjithsesi, vlen të theksohet fakti se kemi fituar dhe kemi patur rezultate shumë të mira. Jemi skuadra që ka siguruar më shumë Pol Position,  kemi kryesimin në këtë Kampionat dhe në garën e fundit që zhvilluam u renditëm të dytët. Ky është një tregues për forcën tonë. Tani duhet të vazhdojmë të ruajmë ritmin dhe madje ta shtojmë atë. Përsa i përket avantazhit tim në klasifikim mund të them se kam ndërmend të fitoj të gjitha garat e mbetura dhe ta ruaj atë. Ky është objektivi im dhe do të mundohem ta realizoj. Dua të fitoj bindshëm.”

Lajme të tjera

Formula 1

Homoseksualiteti i deklaruar nga Ralf Schumacher ka qenë një nga temat e diskutuara në konferencën për shtypin të FIA-s, këtë të enjte, në Çmimin...

Futboll

Trajneri i Fenerbahçes, Jose Mourinho është shumë i fokusuar në merkato, për ta përforcuar skuadrën e tij që të jetë sa më konkurruese jo...

Serie A

Në ditën e prezantimit të Thiago Mottës si trajneri i ri i Juventusit foli edhe Cristiano Giuntoli. Drejtori teknik i bardhezinjve e nisi me...

Futboll

Pasi përfundoi sezonin 2023/24 me një humbje në finalen e Championsit përballë Realit të Madridit (2-0), Borussia Dortmund pëson humbje të papritur edhe në...