Zbulohet nje tjetër njëvendëshe e Formula 1 që do të zbresë në pistë gjatë sezonit që do të nisë së shpejti. Në Londër u prezantua makina e re Williams, FW41, në prani të drejtorit teknik, Paddy Lowe, të gjithë stafit dhe pilotëve Lance Stroll e Sergey Sirotkin, si dhe Kubicas, që është kolaudator.
Drejtoresha e përgjithshme, Claire Williams, e pranishmë gjithashtu në këtë ceremoni, deklaroi:
“Jemi sforcuar shumë prej disa muajsh për krijimin e FW41. Tani po pres me padurim të shoh pilotët tanë në pistë. Lance pati një debutim vërtet shumë pozitiv vitin e kaluar, është rritur shumë. Jam shumë e lumtur që kemi edhe Sergey Sirotkin apo Robert Kubican, i cili do të ketë një bashkëpunim të ngushtë me skuadrën, për të na ndihmuar me eksperiencën e tij për zhvillimin e makinës.”
FW41 do të zbresë për herë të parë në pistë më 26 shkurt, për testet e Barcelonës.