Borussia Dortmund ka emëruar Edin Terzic si pasues të trajnerit të shkarkuar Marco Rose, të hënën. 39-vjeçari Terzic ka qenë në krye të Dortmundit si trajner i përkohshëm për më shumë se gjashtë muaj sezonin e kaluar dhe ishte drejtor teknik në klub këtë sezon.
Terzic ka nënshkruar për tre vite me klubin e Bundesligës. Sezonin e kaluar ai ishte asistent i Lucien Favre dhe pas dorëheqjes së tij udhëhoqi skuadrën e Dortmund në fitoren e DFB-Pokal.
Terzic la përshtypje të mirë si drejtor teknik dhe kështu Dortmundi vendosi ta rikthejë sërish në rolin e trajnerit.
“Edin e njeh klubin tonë dhe një pjesë të madhe të ekipit. Ai e di se çfarë rregullimesh duam të bëjmë për t’u ofruar mbështetësve tanë futboll të suksesshëm përsëri”-tha për mediat anëtari i bordit Sebastian Kehl.
Emërimi i Terzic vjen tre ditë pas shkarkimit së Rose nga Dortmundi, pas një sezoni zhgënjyes.