Fabio Coentrao ka vendosur të ndjekë një nga ëndrrat e tij pasi e mbylli me futbollin, e cila është të punuarit peshkatar.
Ish-mbrojtësi i Benfica-s dhe Real Madridit, i cili bëri mbi 100 paraqitje për “Los Blancos”, u tërhoq nga futbolli në fund të sezonit të kaluar.
Me dy trofe të Champions League dhe dy tituj të La Liga, si dhe me mbi 50 paraqitje për Portugalinë, Coentrao tani e gjen kënaqësinë në det.
Pasi bleu varkën e tij të parë në kohën kur ende luante futboll, 34-vjeçari tani po punon me kohë të plotë në det si peshkatar.
Në një komunikim me ‘Empoëer Brands’ në YouTube, ish-mbrojtësi i Real Madridit foli për punën e tij të re të ëndrrave.
“Jeta në det nuk është turp, siç mendojnë shumë njerëz. Është një punë si gjithë të tjerat, jo vetëm kaq, deti është i bukur.”-tha ai
Coentrao ka treguar më parë historinë se si anija e tij shpëtoi 15 peshkatarë nga një anije që po fundosej.