Australiani kaloi në çerekfinale kilianin Cristian Garin (3-0) dhe në gjysmëfinale ishte parashikuar një sfidë interesante me Rafael Nadal, por spanjolli u tërhoq nga gara për shkak të problemeve fizike dhe tani Nick do të presë i qetë gjysmëfinalen tjetër (Djokovic-Norrie) për të mësuar kundërshtarin e tij në finalen e të dielës.
Një personazh i cili gjithmonë ka tërhequr vëmendje, brenda dhe jashtë fushës së tenisit, këtë herë ka zgjedhur të tregojë se për kë bënë tifo në “botën” e futbollit.
I lindur në Australi, por Kyrgios ka treguar se gjithmonë ka qëndruar afër futbollit dhe Premier League.
Ai gjithashtu vijon të jetë një tifozë “i vjetër” i Tottenham Hotspur dhe gjithmonë përpiqet të ndjekë ndeshjet e londinezëve. 27-vjeçari ka pranuar se shpesh herë ka “sakrifikuar” gjumin për të ndjekur londinezët për shkak të diferencën kohore midis Anglisë dhe Australisë, ndërsa ai theksoi se gjithmonë mundohet të qëndrojë afër skuadrës së tij të zemrës, pavarësisht axhendës së tij.
Në vitin 2015 ai ka vizituar edhe ambientet e qendrës stërvitore të klubit londinez dhe madje ai u paraqit edhe në Wimbledon i veshur me një fanellë të Tottenham-it të sezonit 2017-2018.
