Trajneri i Kukësit Diego Longo është duke e ndjekur nga tribuna ndeshjen e skuadrës së tij ndaj Skënderbeut, me “verilindorët” që pjesën e parë e mbyllën në avantazh.
Longo nuk mund të jetë në krye të pankinës për shkak të kartonëve dhe në përballjen e parafundit të këtij sezoni skuadra po drejtohet nga zëvendës trajneri Pejic.
Ndeshja është duke u luajtur dhe rezultati deri në këto momente është 1-0, ndërsa Kukësit i duhen me patjetër tre pikët që të mund të shpresojë ende për një vend në Europë, me garën që duket se është shumë e ashpër.
Megjithatë në një sfidë të një rëndësie të tillë, Longo nuk ka mundur ta udhëzojë skuadrën, duke ia besuar atë zëvendësit të tij.