Ballkani do të ndeshet këtë të mërkurë në orën 20:00 me Ludogorets për ndeshjen e dytë në raundin e parë kualifikues të Champions League, me takimin e parë që skuadra e Ilir Dajës e fitoi me rezultatin 2-0.
Ndërsa na ndajnë rreth dy ditë nga kjo sfidë, klubi i Ballkanit ka bërë një njoftim të rëndësishëm për tifozët.
Lexo edhe:
- Intervista që shkaktoi zhurmë, flet një person nga familja e Dele Alli: Gënjeu, i kanë bërë “shpëlarje truri”!
- VIDEO/ Messi prezantim madhështor te Inter Miami, Beckham nuk e mbajnë këmbët: Dua të fitoj!
- FOTO/ Misioni “Superiore”, Vora “peshkon” te Watford e Tirana dhe rikthen në Shqipëri ishin e Laçit
- Kampion Europe me Italinë, futbollisti me orgjinë shqiptare: Stop krahasimeve me Del Pieron, kam një ëndërr
Ballkani bën me dije se të gjithë tifozët që do duan të udhëtojnë drejt Bullgarisë për të ndjekur këtë ndeshje mund të bashkohen ta në aeroplanin Charter të marrë nga klubi.
“NJOFTIM!
Tifozë të dashur,
Të gjithë ju që jeni të interesuar për të fluturuar drejt Bullgarisë, për ta mbështetur klubin kampion të Kosovës, në duelin e dytë ndaj Ludogorets, mund të bëheni pjesë e nisjes së përbashkët, me aeroplanin Charter, të kontraktuar nga klubi.
Për çdo informatë detajuese, kontaktojeni agjensionin “Bon Voyage”, me përgjegjës Besnik Vitakun, në këtë numër telefoni:
+38346484848
Nisja bëhet të martën, sikurse edhe kthimi i përbashkët, pas ndeshjes.
Na priftë e mbara”-shkruan klubi nga Suhareka.
