Ndonëse i dëmtuar prej javësh dhe jo pjesë e grupit të futbollistëve të grumbulluar nga trajneri Reja për dy miqësoret e nëntorit, Rey Manaj ka fluturuar nga Anglia për në Tiranë, që të ndjekë nga afër përballjen me Italinë.
Sulmuesi kuqezi, që është pjesë e Watfordit në Championship-in anglez, është fotografuar në stadiumin “Air Albania” para ndeshjes, teksa ka shfrytëzuar këtë udhëtim për të takuar edhe miqtë e tij, jo vetëm në Kombëtaren kuqezi, por edhe atë italiane.
Kujtojmë që Manaj është rritur pikërisht në Itali dhe ka njohje të shumta me një pjesë të mirë të futbollistëve të Italisë.