Barcelona ia doli të triumfojë me rezultatin e thellë 0-4 në transfertën ndaj Cadiz, e cila u ndërpre për më shumë se 30 minuta, pasi një tifoz pësoi infarkt në tribunë dhe pati nevojë për ndihmën e mjekëve.
Futbollistët e të dy ekipeve pritën gjithë ankth zhvillimet në tribunë, ndërsa më gjak-ftohti duket se ishte portieri i Cadiz, Jeremias Ledesma, i cili mori çantën ku ndodhej defibrilatori dhe vrapoi drejt zonës ku ishte tifozi, për t’ua dhënë atë mjekëve.
Më pas tifozi u transportua për në spital, për të marrë një ndihmë mjekësore më të specializuar, teksa mediat spanjolle raportojnë se gjendja e tij është e qëndrueshme tashmë.