Klubi i Prishtinës vijon të përforcojë skuadrën, ndërsa ditën e sotme ka zyrtarizuar dy afrime të reja, njëri prej të cilëve në fakt është rikthim te “bardhekatërit”. Mërgim Pefqeli është ribashkuar, ndërsa Besir Ramadani është afrimi i ri i skuadrës së kryeqytetit të Kosovës.
Në një postim në rrjetet sociale Prishtina bën me dije se mesfushori ka nënshkruar kontratë 2-vjeçare, ndërsa më herët numëron 75 paraqitje dhe 12 gola me “bardhekaltërit”. 28-vjeçari më parë ka luajtur edhe me Llapin, Trepçën ’89, Hajvalinë dhe Fushë Kosovën.
“̈ ̈ !
FC Prishtina dhe futbollisti Mërgim Pefqeli e kanë gjetur gjuhën e përbashkët për të nënshkruar kontratë të re dy-vjeçare.
Prishtina dhe Pefqeli janë “dashuri e vjetër” pasi që mesfushori-sulmues edhe më herët ka qenë pjesë e skuadrës sonë ku i numëron 75 paraqitje në fanellën “bardhekaltër” teksa i ka realizuar 12 gola.
Pefqeli në edicionin e fundit ishte pjesë e FC Malishevës me ç’rast tregoi paraqitje të kënaqshme duke dhënë kontribut të madh për sigurimin e një “bilete” të këtij ekipi për Superligë edhe për edicionin e ardhshëm.
28-vjeçari gjatë karrierës së tij është aktivizuar edhe për Llapin, Trepçën ’89, Trepçën, Hajvalinë e Fushë Kosovën.
Pefqeli pas nënshkrimit të kontratës ka folur për faqen zyrtare të klubit tonë.
– Fakti që jam fëmijë i këtij klubi dhe kontaktet me trajnerin Ismet Munishi, nuk më kanë bërë që të mendoj shumë për rikthimin te skuadra amë. Bartja e fanellës së Prishtinës përveç se është privilegj dhe krenari e madhe, në vete bartë përgjegjësinë e arritjes së rezultateve kulminante, pra trofeve.
– Synimet me Prishtinën janë që të rikthehemi bashkërisht te titulli kampion si dhe garat evropiane. Prishtina e ka vendin aty përgjithmonë.
̈ – Tifozëve besnik të Prishtinës, “Plisave” si gjithmonë ju premtoj angazhim maksimal dhe dhënien e atomit të fundit për ngjyrat “bardhekaltër”. Bashkë me shokët e skuadrës do të bëjmë që të mburren me sukseset tona të përbashkëta. Hajde PRISHTINË.”-shkruan Prishtina në rrjetet sociale.
Nga ana tjetër edhe Ramadani ka nënshkruar për dy vite me “bardhekaltrit”, duke bashkuar me kryeqytetasit pasi mbylli eksperiencën me Strugën, në Maqedoninë e Veriut.
Mbrojtësi 22-vjeçar kishte rol titullari te Struga, ndërsa në edicionin që u mbyll luajti në 33 ndeshje. Më herët Ramadani ka luajtur edhe me Shkupin e Gostivarin, ndërsa numëron paraqitje me kombëtaren U-21 të Shqipërisë.
“̈ !
Qendërmbrojtësi Besir Ramadani është lojtari i radhës që ka nënshkruar kontratë me klubin më të madh në Kosovë, FC Prishtina.
22-vjeçari nga Shkupi ka firmosur për dy vite me ekipin “bardhekaltër”.
Ramadani në edicionin e fundit ishte pjesë e ekipit shqiptar nga Maqedonia e Veriut, Struga, e cila garon në elitën e futbollit të shtetit fqinj.
Shkupjani ka regjistruar gjithsej 33 paraqitje sa është aktivizuar te Struga.
Ai karrierë ka bërë edhe te FC Shkupi dhe KF Gostivari derisa më parë i ka mbrojtur edhe ngjyrat e grupmoshave të Maqedonisë së Veriut (deri te U-18), kurse nga më pas është bërë pjesë edhe e Kombëtares së Shqipërisë U-21.
Ramadani për faqen zyrtare të klubit tonë është shprehur i lumtur që është bërë pjesë e FC Prishtinës.
̈ ̈ ̈ – Prishtina është klubi më i madh në Kosovë, klub me traditë dhe me një tifozeri fantastike dhe për këtë arsye vendosa të vijë këtu.
̧̈ – Të bartësh fanellën e Prishtinës është privilegj dhe emocion i veçantë, por gjithashtu edhe përgjegjësi e madhe pasi që dihet pesha e kësaj fanelle.
̈ – Emri Prishtina tregon se ambiciet janë gjithmonë për trofe. Jemi shumë lojtarë të ri në ekip dhe me punën e trajnerit Ismet Munishi besoj se do t’i arrijmë qëllimet.
– Do të jap 200 përqind nga vetja për këtë fanellë për t’i gëzuar tifozët “Plisat” dhe për t’i arritur synimet që janë titulli kampion dhe dalja në garat ndërkombëtare.”-shkruan Prishtina në “Instagram”.