Shtëpia e David Beckham në Londër ka rënë pre e hajdutëve, ndërsa gruaja e tij Victoria dhe vajza Harper ndodheshin në ato momente aty.
Ato dyja nuk kanë kuptuar asgjë, ndërsa vjedhja u zbulua nga djali i çiftit, Cruz, i cili u kthye në shtëpi në “Holland Park”, pasi kishte dalë me miqtë e tij në mbrëmje.
Mediat britanike raportojnë se Cruz kishte vënë se një nga dhomat ishte kthyer përmbys, pastaj kishte parë një dritare me xham të thyer, përmes së cilës supozohet se kishte hyrë hajduti, i cili kishte vjedhur veshje dhe pajisje elektronike.
Familja Beckham nuk ka reaguar në lidhje me këtë ngjarje, por burime pranë tyre thonë se janë të tronditur nga kjo ndodhi e rëndë, që i kërcënon sigurinë.
Vjedhja ka ndodhur mbrëmjen e 28 shkurtit, ndërsa denoncimi është bërë të nesërmen. Policia është duke vijuar hetimet, por deri më tani nuk ka asnjë të arrestuar.
