Ka qenë unik në ekzekutimin e goditjeve të lira, prekja e tij ishte një “markë” e veçantë. Legjenda e Romës, Francesco Totti, sot në krah të Monchit dhe Baldisonit në stafin drejtues të verdhekuqve, ka dhuruar një tjetër perlë, duke ekzekutuar me stilin “cucchiaio” një goditje të lirë në kalçeto, me topin që përfundoi në rrjetë. Magjia e Tottit është filmuar nga miq të ish-futbollistit dhe është shpërndarë nëpërmjet Whatsapp-it nga Danielle De Rossi, i cili vë në lojë portierin që pësoi një gol të tillë, sikur të mos e kishte parë kurrë Tottin të realizonte me “Cucchiaio”.
